Стихи и песни на карельском языке

Левкина М. Н.

Левкина М.П. Левкина Мария Петровна родилась в д. Париновосельга, потом семья перехала в д. Пихталахта (Ведлозерский район). Закончила Ведлозерскую школу, математический факультет КГПУ. Работала учительницей, оператором ЭВМ. Живет в Петрозаводске, но родину не забывает и часто бывает в гостях у племянниц.

Marija L`ovkina

Ole ozavu

Eräs ijän ozua vuottau,
Ozua ečču kuldaizes.
Juuret ozan ongi ičes,
Ozan juuret perehes.

Oi, joi, joi, gu kuulet toiči
Pahoi sanoi sanotah.
Tiedäy sen vai joga toine,
Pahat sanat juuroitah.

Kuibo vaigu, sinä sano,
Ottua tuskat sydämes.
Tiijän toveh, oma pajo
Auttau kaikil eläjes.

Paras ongu sinui kuldoi
Ainos hyviä toivottau.
Andau sinui kukkie, kukkie,
Ozan vuozii pitkendäy.

Anna ozan Jumal andau,
Tervehytty perehel.
Tämä pajo karjalazil
Vesselembi vedele.

Kylvä, kylvä, kylvä, kylvä
Čomat pajot sydämeh.
Joga toizel sinä "kylvä"
Hyvät sanat eläjes.

Venehyizel sovvan, sovvan

Pajo

Venehyizel sovvan, sovvan,
Kivel kuldoi kokottau.
Paidu čoma, briha korgei,
Iče minuh muhettau.

Syväin minul lähti lendoh,
Venehyine kaldavui.
Ihastuksis minä vedeh
Kirboin iče ui, jui, jui.

Vies vai minuu kuldoi koppuau
Itkusilmät pyhkii käil.
Iče minuu n'oppuau, n'oppuau
Kahtes vezi hurai mäil.

Tiezi Jumal - meidy risti
Omal viel vai valeli.
Sydämet vai meile kahtel
Yhteh meidy siiveli.

Mamine

Pajo

Igä sinui menöy päiväzeh,
Älä pie atkalua,
Puutui nähtä, kuldu eläjes,
Sinulgi omua ozua.

Lapset sinä kai vai kazvatit,
Mieroh heidy kai työnit.
Ainos ijän lapsii zobotit,
Keräh ruavot kai kerit.

Suvaičemmo sinuu, mamine,
Olet meijän piäsköine.
Omii päivii, kuldu, pitkendä,
Meile kaikil ozakse.

Mami, mami, mani, manine
Elä, elä elkota.
Zobotata elä, mamine,
Välis pajuo pajata.