Kevätkuun 8. päivänny kai muailmu pidi Naizienpäiviä. Muamo on armahin ristikanzu jogahizel ristikanzal, sendäh gu häi kazvattau meidy, puolistau kaikes muailman pahuos, ainos avvuttau, andau kai omat väit. Sih niškoi nelländen kluasan opastujat kirjutettih kirjutukset omih muamoloih näh.
Minun muamo
Konzu sinä roittos, pieni da ebävoivaine, sinuu vastatah lämmät huolekkahat käit – sinun muaman käit. Huondekses ehtässäh häi pidäy huoldu sinus.
Minun muaman nimi on Ol’ga. Hänel ollah čomat kulmat da lyhyöt mustat tukat. Muamo on hyväntahtoi, huolekas, čopakko, vagavu da mielevy.
Perehes on äijy ruaduo. Kai ruavot ruadau muamo. Minun muamo maltau keittiä magiedu syömisty, pastua piiruadu.
Minä suvaičen omua muamua. Se on kaikis parembi!
Dima Rugačev
Armas muamo
n muaman nimi on L’uda. Häi on čoma da hyväsydämelline. Muamal ollah muankarvazet silmät da valgiet tukat.
Häi suvaiččou pastua magiedu piiruadu da maltau keittiä erilastu syömisty. Minä autan hänele pestä astieloi, pyhkie latettu da ostua einehty laukas.
Muamo on minun luotettavu dovariššu. Häi ainos pidäy minus huoldu. Minä suvaičen omua muamua.
Puavil Filippov
Huolekas muamo
Minul on muamo. Sen nimi on Nad’a. Hänel ollah čomat silmät da helly iäni. Minun muamo on hyväntahtoi, rohkei, huolekas, nerokas, mielevy, ahnakko da tirpačču.
Muamo maltau varustua magiedu syömisty da pastua piiruadu. Vie häi maltau niegluo sukkii da alazii, ommella da pajattua pajoloi.
Häi ainos on rinnal da ainos auttau minule. Passibo sinule, minun armas muamo. Minä suvaičen sinuu!
Ira Grigorjeva
Armahat muamat!
Hyvittelemmö teidy Naizienpäivänke da toivotammo lämmiä kevätty, olla ainos hyväs mieles da kaikkie hyviä!
