Karjalan piämies Artur Parfenčikov allekirjutti käskyn Vieljärven järven probliemoi sellittäjän ruadojoukon keriändäs. Joukko on kerätty. Sih kuulutah eri ministerstvoin ruadajat, tiedomiehet, deputuatat da Vieljärven rahvas. Joukon johtajakse on pandu varapiäministru Dmitri Rodionov. Nygöi vie ei olla tietois tarkat ruadopluanat. Enzimäine ruadojoukon vastavus pietäh tulien vuon. Joukko rubieu ruadamah aigoinah puhtahan, syvän da kalakkahan järven pellastamizekse. Nygöi vezi Vieljärves on ylen ligahine, järvi madalduu da vähitellen muuttuu suokse. Olemmo kogo sygyzyn da syvystalven pidänyh silmäl Vieljärven dieloloi da keräimmö yhteh kai tiijot.
