Kalinaine
venäläinen kansanlaulu, karjalan kielele kiändi Jegorova Jevdokia (Vieljärvi)
Oi kalinaine, vagoimuarju
Joves hil´l´aine vezi
Sano sinä, kalinaine
Kui puutuit sinä tänne
Kuito aigaizel keviäzel
Čoma briha tuli täh
Hätken minuh kačoi, kačoi
Sit otti minun keral
Häi tahtoi minuu kalinua
Istuttua omah saduh
Ei vedänyh, matkal hylgäi
Duumaiči minä hävien
Minä muah hyvin tartuin
Nouzeldin omil jalloil
Sen jälles täs minä elän
Kus pajatetah minuu
Traktoristat, kombainerat
Joga päiviä ollah täs
Hoikkii oksii ei katkota
Kukkii äijäl suvaitah
Älä tuule vieno tuuli
Orboinnu älä pie
Minä muankel sobuh elän
Endizelleh vai kukin
Kalinaine, vagoi marju
Joves hil´l´aine vezi
Kuki, kuki kalinaine
Kuki hyvyökse kaikil!